|
Y Cyfarfod Llawn |
|
Dyddiad y
cyfarfod: |
|
|
|
Amser y
cyfarfod: |
||
|
|
||
|
|
||
|
|
||
|
Agenda (190)v2 |
|
1 Cwestiynau i’r Gweinidog Cyllid (45 munud)
|
|
2 Cwestiynau i’r Gweinidog Llywodraeth Leol a Busnes y Llywodraeth (45 munud)
|
|
Cwestiwn Brys Kirsty Williams (Brycheiniog a Sir Faesyfed): A wnaiff y Gweinidog ddatganiad am y ffigurau ambiwlans a gyhoeddwyd heddiw sy’n dangos mai dim ond 52.8% o ymatebion brys i alwadau Categori A (bygythiad difrifol i fywyd) a gyrhaeddodd y safle o fewn wyth munud yng Nghymru y mis diwethaf?
|
|
3 Cwestiynau i Gomisiwn y Cynulliad (0 munud)
Ni chyflwynwyd unrhyw gwestiynau.
|
|
4 Dadl gan Aelodau Unigol o dan Reol Sefydlog 11.21(iv) (60 munud) NNDM5464
Mick Antoniw (Pontypridd) Dafydd Elis-Thomas (Dwyfor Meirionnydd)
Cynnig bod Cynulliad Cenedlaethol Cymru:
Yn ymrwymo i chwarae ei ran lawn mewn materion Ewropeaidd; ac yn benodol:
a) yn cydnabod y gwerth i Gymru ac i'r UE yn sgïl ymgysylltu cadarnhaol Cymru yn Ewrop;
b) yn defnyddio sgiliau, profiad ac arloesedd y Llywodraeth a phobl Cymru i hyrwyddo cyfiawnder cymdeithasol, ffyniant economaidd a llywodraethu democrataidd ledled Ewrop.
|
|
5 Dadl y Ceidwadwyr Cymreig (60 munud) NDM5477 Paul Davies (Preseli Sir Benfro)
Cynnig bod Cynulliad Cenedlaethol Cymru:
1. Yn nodi bod Llywodraeth y DU wedi sicrhau bod cymorth ar gael i awdurdodau lleol yn Lloegr i rewi'r dreth gyngor am y bedwaredd flwyddyn yn olynol.
2. Yn nodi ymhellach bod Llywodraeth yr Alban wedi sicrhau bod cymorth ar gael i awdurdodau lleol yn yr Alban i rewi'r dreth gyngor ar gyfer 2014/15; a bod rhewi o'r fath wedi bod ar waith ers 2008/09.
3. Yn credu bod rheidrwydd moesol ar awdurdodau lleol i wario arian cyhoeddus gyda gofal a doethineb; sicrhau bod cyfraddau'r dreth gyngor mor isel â phosibl i drigolion.
4. Yn gresynu at benderfyniad Llywodraeth Cymru i wrthod gweithredu cynllun tebyg i un Lloegr, sy'n creu trothwy refferendwm o 2% o ran cynnydd y dreth gyngor.
5. Yn gresynu ymhellach at y cynnydd cyfartalog o 4.2% yn y dreth gyngor o ran awdurdodau lleol Cymru ar gyfer 2014/15, a bod biliau'r dreth gyngor wedi cynyddu dros 150% yng Nghymru ers 1997/98, ac yn credu bod cynnydd andwyol o'r fath wedi rhoi pwysau diangen ar aelwydydd sydd dan bwysau.
Cyflwynwyd y gwelliannau a ganlyn:
Gwelliant 1 - Elin Jones (Ceredigion)
Cynnwys pwynt 3 newydd ac ailrifo yn unol â hynny:
Yn nodi’r sefyllfa ariannol anodd sy’n wynebu llywodraeth leol a’r tebygolrwydd o bwysau parhaol ar gyllidebau awdurdodau lleol.
Gwelliant 2 - Elin Jones (Ceredigion)
Cynnwys pwynt 3 newydd ac ailrifo yn unol â hynny:
Yn cydnabod swyddogaeth y dreth gyngor o ran darparu ffrwd refeniw i gynnal swyddi a gwasanaethau lleol ac yn credu bod lefelau’r dreth gyngor yn fater i awdurdodau lleol unigol fel rhan o’u proses cyllideb.
Gwelliant 3 - Aled Roberts (Gogledd Cymru)
Dileu pwynt 3 a rhoi yn ei le:
Yn credu er bod awdurdodau lleol yn gyfrifol am bennu eu lefelau treth gyngor eu hunain, a’u bod yn atebol i’w hetholwyr am hynny, y dylent wrth wneud hynny ystyried amgylchiadau economaidd talwyr y dreth gyngor yn eu hardal.
Gwelliant 4 - Elin Jones (Ceredigion)
Dileu pwynt 4 a rhoi yn ei le:
Yn croesawu’r camau sydd wedi cael eu cymryd i ddiogelu’r cartrefi tlotaf yng Nghymru rhag toriadau Llywodraeth y DU i gymorth y dreth gyngor.
[Os derbynnir gwelliant 4, bydd gwelliant 5 yn cael ei ddad-ddethol]
Gwelliant 5 - Aled Roberts (Gogledd Cymru)
Dileu pwynt 4.
Gwelliant 6 - Elin Jones (Ceredigion)
Dileu pwynt 5.
Gwelliant 7 - Aled Roberts (Gogledd Cymru)
Ychwanegu pwynt newydd ar ddiwedd y cynnig:
Yn croesawu’r cynnig yn y Bil Tai (Cymru) i gynyddu’r dreth gyngor ar dai gwag, a oedd yn argymhelliad allweddol yn nadl Democratiaid Rhyddfrydol Cymru ar dai gwag ym mis Chwefror 2013.
Mae trawsgrifiad o ddadl Democratiaid Rhyddfrydol Cymru ar dai gwag ar gael yn:
http://www.assemblywales.org/docs/rop_xml/130220_plenary_bilingual.xml
|
|
6 Dadl Plaid Cymru (60 munud) NDM5478 Elin Jones (Ceredigion)
Cynnig bod Cynulliad Cenedlaethol Cymru:
1. Yn nodi'r cyfraddau disgwyliad oes is mewn cymunedau o amddifadedd;
2. Yn cydnabod rôl deddfwriaeth, trethiant a pholisi cyhoeddus o ran hyrwyddo iechyd da a mynd i’r afael â'r cysylltiad rhwng tlodi ac afiechyd; a
3. Yn galw ar Lywodraeth Cymru i weithredu i dorri'r cysylltiad rhwng tlodi ac afiechyd.
Cyflwynwyd y gwelliannau a ganlyn:
Gwelliant 1 - Paul Davies (Preseli Sir Benfro)
Ychwanegu pwynt newydd ar ddiwedd y cynnig:
Yn gresynu bod y toriadau termau real i gyllideb GIG Cymru yn peryglu gwell canlyniadau iechyd y cyhoedd, yn enwedig i’r rheini sy’n byw mewn cymunedau o amddifadedd.
Gwelliant 2 - Paul Davies (Preseli Sir Benfro)
Ychwanegu pwynt newydd ar ddiwedd y cynnig:
Yn galw ar Lywodraeth Cymru i wella’r ffordd y mae’n cynllunio ac yn gwerthuso cynlluniau iechyd y cyhoedd er mwyn cyflawni gwell gwasanaethau a gwasanaethau mwy effeithiol ar gyfer cymunedau o amddifadedd.
Gwelliant 3 - Paul Davies (Preseli Sir Benfro)
Ychwanegu pwynt newydd ar ddiwedd y cynnig:
O gofio’r cysylltiad rhwng tlodi ac afiechyd, yn croesawu’r camau sy’n cael eu cymryd gan Lywodraeth y DU i fynd i’r afael â thlodi, gan gynnwys cynyddu’r isafswm cyflog cenedlaethol a’r manteision treth i’r rheini ar incymau isel.
Gwelliant 4 - Aled Roberts (Gogledd Cymru)
Ychwanegu pwynt newydd ar ddiwedd y cynnig:
Yn galw ar Lywodraeth Cymru i amlinellu’r amserlen ar gyfer cyflwyno’r bil iechyd y cyhoedd arfaethedig, ac i egluro sut y bydd y ddeddfwriaeth hon yn mynd i’r afael â’r lefelau presennol o dlodi ac afiechyd yng Nghymru. |
|
Cyfnod Pleidleisio |
|
7 Dadl Fer (30 munud) NDM5476 Julie James (Gorllewin Abertawe)
Denu Merched i Wyddoniaeth – yr achos dros fanteisio i'r eithaf ar botensial gwyddoniaeth yng Nghymru |
Cynhelir Cyfarfod Llawn nesaf y Cynulliad am 13.30, Dydd Mawrth, 1 Ebrill 2014